Կիրակնօրյա ծառայություն. Սուրբ Հոգու պտուղները. Արթուր Աղեկյան

Կիրակնօրյա ծառայություն. Աստծո պատրաստած օրհնությունները. Արթուր Աղեկյան

Շատ բաներ անելու համար, այս կյանքում քեզնից պայքար չի պահանջվում, սակայն հոգևոր փոքր կամ մեծ բաներ անելու համար, քեզնից պայքարել է պահանջվում: Հոգևոր ձեռքբերումների համար արժե պայքարել ու ջանք թափել:

Սուրբ Հոգին գալով մեր մեջ աստվածային կամքն  ու աստվածային արժեքներն է բերում:

Արդյո՞ք կարող է մարդու կյանքում լինել զորություններ, բայց քիչ լինի հոգու պտուղները:

Աստվածաշնչում Գաղատացիս 5.23-ում գրված է Սուրբ Հոգու պտուղների մասին:

Սուրբ հոգու պտուղները մարդու կյանքի մեջ դնում է Աստված, բայց մենք պետք է հետագան հոգ տանենք, որպեսզի աճի: Մարդիկ նայում են Սուրբ Հոգու պտուղներին մեր կյանքում, որով փառաբանում են Աստծուն: Սուրբ Հոգու պտուղների մասին խոսելիս, պետք է խոսենք տալու մասին, քանի որ շատերը կան, որ միայն սիրում են վերցնել, սակայն ունենալու գաղտնիքը տալու մեջ է:

«Ես եմ ճշմարիտ որթը,  և իմ Հայրը մշակն է։ Ամեն ճյուղ, որ ինձանում է և պտուղ չէ բերում, Նա կտրում է նրան. Եվ ամեն պտուղ բերողին մաքրում է, որ էլ ավելի պտղաբեր լինի։ Դուք արդեն մաքուր եք այն խոսքի համար, որ ձեզ հետ խոսեցի։ Կացեք ինձանում՝ և ես ձեզանում. Ինչպես որ ճյուղն իր անձիցը կարող չէ պտուղ բերել, եթե որթումը չմնա, այսպես ոչ էլ դուք՝ եթե ինձանում չմնաք։ Ես որթն եմ՝ դուք ճյուղերը. Նա որ ինձանում մնում է, և ես նրանում, նա շատ պտուղ է բերում. Որովհետև առանց ինձ չեք կարող ոչինչ անել»։ (Հովանու 15. 1-5):

Եթե մարդ Աստծո մեջ է Սուրբ Հոգու պտուղները սկսում են ի հայտ գալ նրա մեջ: Մենք պետք է այսօր հավանություն տանք երկրի վրա աստվածային կերպով ապրելուն: Արդյո՞ք ես հավանություն եմ տալիս, ամբողջությամբ աստվածակերպ ապրելուն: Մարդու սիրտը չի ցանկանում ամբողջությամբ աստվածակերպ լինի, իսկ ինչ որ մարդ չի ցանկանում չի էլ ունենում:

Հոգևոր կյանքը կարելի է ապրել լավ և նաև լավագույն ձևով: Աստված ԿԱՐՈՂ Է իմ ու քո կյանքում, Նա կարող է փոխել մեզ և դարձնել իր նման: Աստված իր եկեղեցին տարեց տարի սրբում և մաքրում է ու դարձնում է Իր պես:

Եթե դու չես հավատում ու չես հավանում հոգևոր արժեքներով ապրելը, ուրեմն դա չի լինի քո կյանքում: Զորությունը Աստծո հոգու գործելն է մր կյանքում, բայց Աստված ոչ թե զորություն է ուզում մեր կյանքում, այլ Հոգու պտուղներ, որը փաստում է Ա Կորնթացիս 13-ում, որն ասում է եթե զորություն էլ ունենաս, բայց սեր՝ այսինքն հոգու պտուղ չունենաս, ապա ոչինչ ես:

Աստված է տնկում պտուղները մեր կյանքում: Շատ ժամանակ մարդ ունենում է Սուրբ Հոգու պարգևներ, սակայն չի կարողանում այն գործի դնել, քանի որ չկան Սուրբ Հոգու պտուղները:

Աստվածաշունչը խոսում է Սուրբ Հոգու ինը պտուղների մասին: Առաջին պտուղը, որ նշվում է սերն է: Աստվածաշունչը խոսում է մի քանի տեսակի սիրո մասին, Աստված ցանկանում է, որ սերը դրսևորվի մեր կյանքի բոլոր բնագավառներում:

Սիրո մեջ կա զորություն, երբ դու սիրում ես, սա խոսում է տալու մասին: Մենք պետք է լինենք Քրիստոսի նման, ոչ թե ակնկալենք, այլ՝ տանք: Եկեք տանք աշխարհին ու կտեսնենք, որ Աստված օրհնում է մեզ:

Սուրբ Հոգու հաջորդ պտուղը ուրախությունն է:

«Ուրախ եղեք Տերումն ամեն ժամանակ. Դարձյալ ասում եմ՝ ուրախ եղեք» (Փիլիպեցիս 4.4):

Մարդը երբեմն մտածում է, թե ինչի վրա ուրախանա, և բաց է թողնում մեծ Աստծով ուրախանալը և տխրում է փոքր խնդիրների համար: Ուրախ մարդու հետ ավելի հեշտ է զրուցելը: Խոժոռությունը իմաստության նշան չէ:

«Ուրախ սիրտը օգտակար է ինչպես դեղ… » (Առակաց 17.22):

Սուրբ Հոգու հաջորդ պտուղը  խաղաղությունն է: Աշխարհում միլիոնավոր գումարներ է ծախսվում խաղաղություն հաստատելու համար, սակայն հետաքրքիր է այս անհանգիստ աշխարհի մեջ Աստված մեր  ներսում դնում է խաղաղություն: Խաղաղությունը մի բան է, որ մենք պետք է տարածենք: Հիսուսը միշտ խաղաղ մթնոլորտ էր բերում: Մեր ասածներ կարող են խաղաղություն բերել: Ոչ ճիշտ մթնոլորտի մեջ մատուցածը ճիշտ չի ընդունվում, դրա համար հարկավոր է ճիշտ մթնոլորտ ստեղծել:

Երկայնամտությունը իմաստության նման է, այն հարկավոր է մեզ մեր երեխաներին դաստիարակելու համար, եթե Աստված երկայնամտությամբ չվարվի մեզ հետ մենք կկործանվենք, Աստվածաշունչը հորդորում է մեզ նույնպես երկայանմտությամբ վարվել:

Հաջորդ պտուղը քաղցրությունն է:

«Թող քո քաղցրությունը հայտնի լինի ամեն մարդկանց» (Փիլիպեցիների 4.5):

Բարությունը նույնպես համարվում է Սուրբ Հոգու պտուղը: Եկեք բարիք անենք մեր շուրջը և բարեգործություն: Աստված մեզ համար անհնարին տեղերում հնարավորություններ ունի: Շատ քրիստոնյաներ բարեգործությունը վերագրում են միայն բարեգործներին, բայց այն պետք է երևա մեր առօրյայում: Եթե մարդ չմտածի բարության մասին, նա չի կարող բարություն անել: Երբ դու մտածում ես, ցանկոնում ես Աստված տալիս է այդ հնարավորությունը:

Խոնարհությունը և հեզությունը ամբողջ աշխարհում համարվում են բարձրագույն արժեքներ: Ինչքան մարդը շատ բան գիտի այնքան ավելի խոնարհ է: Թող մեր հեզությունն ու խոնարհությունը երևացող ձևով լինի, Ասվածաշնչում գրված է, որ Աստված շնորհք է տալիս խոնարհներին: Մի սպասիր Աստծո հնարավորությանը խոնարհվելու համար, այլ խոնարհվիր ինքնակամ:

Հաջորդ Սուրբ Հոգու պտուղը ժուժկալությունն է, որը համբերությունն է, զսպվածությունը, որը մեզ հարկավոր է առաջինը մեր մտքերում, մեր ֆինանսների հարցում, այն մեզ պետք է չբարկանալու մեջ նաև սպասելու մեջ: Մեզ պետք է զսպվածություն ունենալ:

Սուրբ Հոգու պտուղներից է նաև հավատքը:  Հավատքը համոզվածություն է: Աշխարհի բոլոր մյուս կրոնները ստեղծվել են հակառակորդի կողմից: Մեզ պետք է համոզվածություն, այնպիսի վստահություն, որ մեր հավատքը չզիջի, թող այս պտուղը մեր մեջ այնքան զարգանա ու աճի, որ ոչ մեկ չկարողանա մեզ շփոթեցնել: Կասկածի վրա գալիս է սատանան ու այն մեծացնում է, համոզված եղիր, որ աշխարհի բոլոր մյուս կրոնները և հավատքները չար  են և մարդածին, որոնք ստեղծվել են մարդկանց մտքին հարմար:

Ես և դու պաշտում ենք կենդանի Աստծուն: Եթե դու Հիսուսի նման չես դու երբեք բավարարություն չես ունենա: Ձգիտիր նմանվել Հիսուսին և հավանություն տուր Սուրբ Հոգու պտուղնեին, որպեսզի լինեն քո կյանքում:

42 դիտում